კრიშტიანუ რონალდუმ ლა ლიგაზე ისაუბრა. მას ძალიან სურს კარიერა მადრიდის "რეალში” დაასრულოს. 

რონალდუმ ინტერვიუს დროს განაცხადა, რომ გუნდმა ლა ლიგის მოგებისთვის ყველა მატჩი უნდა მოიგოს. "ჩვენ დაგვრჩა ცხრა მატჩი, ცხრა ფინალი და აუცილებლად უნდა მოვიგოთ ამ შეხვედრებში. ვცდილობ უფრო კარგი თამაში ვაჩვენო”.

"”ელ კლასიკოში” გამარჯვება ძალიან მნიშვნელოვანი იქნება. თუმცა "ბარსელონასთან” მატჩის გარდა სხვა თამაშებიც უნდა მოვიგოთ. დარწმუნებული ვარ ლა ლიგის გამარჯვებულები სწორედ ჩვენ გავხდებით”.

"პირველ წრეში "ნოუ კამპზე” დიდებულად ვითამაშეთ, მაგრამ სამწუხაროდ დავმარცხდით. ახლა "ბერნაბეუზე” უფრო კარგად უნდა ვითამაშოთ, რათა მეტოქეს შანსი არ დავუტოვოთ და მოვიგოთ”.

"ძალიან მსურს თამაში გავაუმჯობესო. ვიცი, ადვილი არ არის, მაგრამ ცხოვრებაში ადვილი არაფერია. იმედი მაქვს, ამის გაკეთებას შევძლებ”.

"ჩემი ოცნებაა, კარიერის ბოლომდე მადრიდის "რეალში” დავრჩე. ვეცდები გულშემატკივრები გავახარო ჩემი თამაშით. ის თანხა, რაც ჩემში გადაიხადეს, მსურს ავანაზღაურო ჩემი თამაშით”.

ინტერვიუს ბოლოს კრიშტიანუ მსოფლიო ჩემპიონატსაც შეეხო. "მსურს ესპანელებს დავუპირისპირდეთ. ეს ჩემთვის საამაყო იქნება, რადგან ესპანეთს მსოფლიო ჩემპიონატის ფავორიტად ვთვლი”.